1. Басты
  2. Біл
  3. Өмір
  4. Бір үзік

Желіде қазақтың керемет тойлары туралы ролик пайда болды

© Tengrinews.kz © Tengrinews.kz

Желіде қазақ тойларының ерекшеліктеріне арналған видеоролик пайда болды. Ролик "КТК" арнасының командасы және Қазақстан Республикасының Тұңғыш президенті - Елбасы қорымен түсірілді, - деп хабарлайды Tengrinews.kz тілшісі. Видеоны "КТК" арнасының бұрынғы директоры Арман Шураев өзінің Facebook-тегі парақшасына орналастырған.

Видео әрбір қазақстандыққа таныс той алды әуре-сарсаң мен той үстіндегі түрлі жайттар туралы. Видеоны түсіруге отандық эстрада жұлдыздары Қайрат Нұртас пен Роза Рымбаева, Дос Мұқасан және Ninety One тобы, сондай-ақ, саясаткер Ғани Қасымов және актриса Әсел Садуақасова түсті. Жобаның режиссері мұның алдында әнші Ғалымжан Молданазардың "Өзің ғана" клипін түсірген Мәлік Зеңгір болды.

"Менің ақылдыларым Элмира мен Дәурен (КТК-ның үздіктері) кішігірім шедевр жасады. Барлығына көруді ұсынамын, әсіресе кімнің көңіл-күйі нашар! Расында да көмектеседі!" - деп жазыпты Арман Шураев.

Мұның алдында Желіде Қазақстан Тәуелсіздігінің 25 жылдығына арналған видеоролик жарияланған болатын.