Қарағандылық полицейлер бағанаға байлаулы қайыршы баланы тапты

05 Сәуір 2017, 19:31
0
Қарағандылық полицейлер бағанаға байлаулы қайыршы баланы тапты -

Қарағандылық полицейлер бағанаға байланған қайыршы баланы тапты, - деп хабарлайды Tengrinews.kz тілшісі. 

БАҚ пен әлеуметтік желілерде бағанаға байланған қайыршы бала туралы ақпарат тарағаннан кейін Қарағанды полицейлері тексеріс жүргізген. Полицейлер адамдардан қайыр сұрап жүрген төрт баланы ұстаған. Жағдайдың мән-жайын анықтау кезінде балалардың бір-бірін байлап ойнағаны белгілі болды. 

"Тексеріс кезінде Бұқар жырау даңғылында қайыр тілеп жүрген кәмелетке толмаған балалар полиция бөліміне жеткізілді. Ең үлкені - 11 жаста. Алты және төрт жастағы екі қыз және бес жастағы бала бар", - дейді баспасөз қызметінің өкілдері. 

Балалар төрт жастағы қызды өзінің сұрауы бойынша байлап қойған. Олар жол бойында қайыр сұрап жүрген. Осы кезде оларға ер адам келіп, оларды суретке түсіріп алған және ол үшін 50 теңге берген екен. Сонымен бірге, балалар анасынан қашып кеткендерін жасырмады. 

"Балалар Теміртау қаласынының кәмелетке толмағандарды бейімдеу орталығына жіберіледі. Балаларды суретке түсірген адамның кім екені анықталып жатыр", - дейді полицейлер. 

Мұның алдында бағанаға жіппен байлаулы тұрған қайыршы баланың суреті Instagram желісінде тараған болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай