Көліктерді қолымен белгі беріп тоқтатқан полицейлер жазаланды

04 Қаңтар 2017, 11:46
0
Көліктерді қолымен белгі беріп тоқтатқан полицейлер жазаланды - Видео кадры
Видео кадры

Ақтөбе облысында көліктерді қолымен белгі беріп тоқтатқан полицейлер жазаға тартылды, - деп хабарлайды Tengrinews.kz тілшісі ҚР ІІМ Әкімшілік полиция басқармасына сілтеме жасап.

Куәгерлер полицейлердің көліктерді қолымен белгі беріп тоқтатып жатқанын видеоға түсіріп алған. Видеожазба түрлі әлеуметтік желілерде таралып кеткен. 

"Жаңа жылдың алғашқы күндері әлеуметтік желілерде полиция қызметкерлерінің көліктерді қолымен тоқтатып жатқаны туралы видео таралды. Олардың Ақтөбе облыстық ІІД жергілікті полиция қызметінен екені анықталды. Олар ведомстволық бұйрықты бұзғаны үшін тәртіптік жауапкершілікке тартылды", - деп мәлімдеді ҚР ІІМ Әкімшілік полиция басқармасының ресми өкілі Ирина Лукьянина.

Лукьянинаның сөзінше, полицей тоқтатқан жағдайда жүргізуші бағынуы керек, өйткені мұндай міндет жол жүру ережесінде көрсетілген. 

"Ал егер жүргізуші оны тоқтатқан кезде ереже бұзу болған деп есептесе, ол арыз жазып, бізге Facebook арқылы хабарласуға, видео түсіруге құқы бар. Біз ереже бұзылғанын, не бұзылмағанын анықтаймыз", - деп түсіндірді Лукьянина.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай