Қызылордада белгілі Top Gear телешоуының түсірілімі өтіп жатыр

29 Қараша 2016, 16:45
0
Қызылордада белгілі Top Gear телешоуының түсірілімі өтіп жатыр - © FanSerials.tv
© FanSerials.tv

Қызылордада көліктер жайындағы ұлыбританиялық белгілі Top Gear телешоуының түсірілімі басталды. Бұл туралы Tengrinews.kz тілшісіне облыс әкімінің кеңесшісі Артур Нығметов хабарлады. 

Түсірілім жарысқа ыңғайландырылып өзгертілген қалалық иподромда өтіп жатыр. Онда Top Gear сюжеті бойынша ескі Volvo, Mercedes және лондондық таксилер кеңестік ВАЗ-2106 көілктерімен жарысады. Жарысқа бағдарлама жүргізушілерінің бірі - жүргізуші-сынаушы Стиг қатысады.  

"Top Gear жігіттері өздерінің көрсетілімінде елімзідің кең даласын, бәйге мен ұлттық дастарханымызды көрсеткісі келеді. Жалпы айтқанда, қазақ мәдениетінің бар көрінісін. Сонымен бірге, бағдарламада түсірілімнің Қазақстан Тәуелсіздігінің 25 жылдығын тойлау кезінде өткені айтылатын болады", - дейді Нығметов.

Жергілікті билік жобаға барынша қолдау білдіріп жатқанын айта кетті ол. Top Gear түсірілімі Қызылордадан бөлек, Байқоңыр қаласында да өтеді деп жоспарланған. Бағдарлама BBC Two және BBC Two HD арналарында көрсетіледі. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай