Ресейде сирек тұқымды жолбарыстары бар жүк көлігі қар құрсауында қалып қойды

04 Наурыз 2017, 18:50
0
Ресейде сирек тұқымды жолбарыстары бар жүк көлігі қар құрсауында қалып қойды -

Ресейде сирек тұқымды жолбарыстары бар жүк көлігі қар құрсауында қалып қойды, - деп хабарлайды РИА Новости.

Сенбіге қараған түні Мәскеу-Челябі тасжолының Орынбор облысындағы бөлігінде жүк көлігі жол жиегіне шығып кеткен. Көлікте сирек тұқымды жолбарыстар болған, олар Волгоградтан Үфідегі циркке жеткізілуі тиіс болыпты. Жол полициясының қызметкерлері жол-көлік оқиғасы болған жерде жүргізушіні де, шығарып салып келе жатқан көлікті де таппаған. Ал бүгін Үфіден жолбарыстарды алып кетуге тағы бір жүк көлігі жолға шығып, ол да тасжолда қалып қойған. 

Оқиға орнына барған аң баптаушылар жүк көлігіндегі тордың ішінен төрт бенгал және бір амур жолбарысы барын анықтаған. Жыртқыш аңдар үркіп қалған, сондықтан оларды көліктен шығару мүмкін болмаған. Жол қызметіндегілер көлікті қар құрсауынан шығару жұмыстарымен айналысып жатыр.

"Үфіден келген маман жануарларды қарады. Олардың жағдайы қанағаттанарлық, өмірлеріне қауіп төніп тұрған жоқ", - деді агенттікке сұхбат берген дереккөз.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай