ЮНЕСКО тізіміне енген "Таңбалы тас" қайта жаңғыртылды

15 Қараша, 11:46
0
ЮНЕСКО тізіміне енген "Таңбалы тас" қайта жаңғыртылды -

2008 жылы ЮНЕСКО-ның Дүниежүзілік мәдени мұра тізіміне, 2017 жылы Қазақстанның киелі картасына енген тарихи құнды жәдігер, қайта жаңғырту жұмыстары жүргізілген "Таңбалы тас" тарихи ескерткішінің ашылу рәсімі өтті, - деп хабарлайды "Елорда Инфо" Созақ аудандық ішкі саясат бөліміне сілтеме жасап.

Бетбақдала төсіндегі ескерткіш "Аппақ" жауапкершілігі шектеулі серіктестігінің демеушілігімен қайта жаңғыртылған.  Тарихи ескерткіштің ашылу рәсімінде Созақ ауданының әкімі Салыхан Полатов сөз алып, "Таңбалы тас" ескерткішінің Қазақ тарихында алатын орнына айрықша тоқталды.

"Түркі дүниесі үшін Күлтегін, Тоны-көк, Білге қаған жазулары қандай құнды болса, қазақ үшін Таңбалы тас та сондай құнды. Біздің елдік тарихымыздың белгісі - Таңбалы тас" деген ол "Рухани жаңғыру" бағдарламасы аясында қайта жаңғырту жұмыстарын жүргізген "Аппақ" ЖШС Бас директоры Александр Авдеев пен серіктестік ұжымына алғыс білдірді.

Созақ ауданының Құрметті азаматы Созақбай Әбдіқұлов, "ҚазАтомПром" ҰАК өндіріс жөніндегі Бас директоры Дәурен Құнанбаев, "Аппақ" ЖШС Бас директоры Александр Авдеев, Созақ ауданының Ардагерлер кеңесінің төрағасы Қабылбек Еспенбетов Қазақ тарихының шоқтығы биік ескерткіші "Таңбалы тас" жайында, оның құндылығы жөнінде сөз қозғады. 

Тағылымы мол шараға өскелең ұрпаққа Отан тарихын насихаттау мақсатын көздеген жас ұстаздар мен өлке тарихын тануға құмар белсенді жастар арнайы қатысты. 

Ескерткіштің ашылу рәсімі "Аппақ" ЖШС-тегі іс-шараға ұласты. Тарихшы Сүлеймен Тәбірізұлы тарихтың түпқазығы "Таңбалы тас" туралы ғалымдардың деректерін келтіре отырып кеңінен әңгімелеп берді.

"Қазақ халқы ғасырлар бойы тарихи даму барысында көптеген әдет-ғұрпы, тілі, діні бір туыстас ру-тайпалардан құралып, халық болғандығы байқалады. Қасиетті "Таңбалы тас" - бабаларымыздың сан ғасырлық ұлтты қалыптастыру жолындағы қажымай-талмай күрескен ерлік ісінің жемісі", - деді тарихшы.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай