Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Беташарды Skype арқылы өткізгендер жайлы видео жұртты таңғалдырды

03 Мамыр 2016, 16:35
0
© Tengrinews.kz иллюстрациясы
© Tengrinews.kz иллюстрациясы

Беташарды Skype арқылы өткізгендер жайлы видео жұртты таңғалдырды, - деп хабарлайды Tengrinews.kz тілшісі. 

Беташар салты бейнеленген видеоны Facebook қолданушысы Бекзат Рымқұлов жүктеді. Ол бұл рәсімде оператор болған. Оқиға Қарағандыда 23 сәуірде болып өтіпті. Оның айтуынша, күйеу баланың ата-анасы 160-170 қонақты шақырыпты. 

"Сол күні беташар мен неке қию рәсімі онлайн түрде өтті. Молда келіп, беташардан кейін неке қию рәсімін өткізді, сосын олар мұсылманша некеге отырғаны туралы куәлік алды", - деді той операторы.

Оның айтуынша, рәсім толықтай дәстүр бойынша өткен. Бекзат Рымқұлов шақырылған қонақтардың мұндай рәсімді қалай қабылдағанын айтып берді. "Барлығы телефондарын шығарып, түсіре бастады, қазір біреу құлап қалса сөйтіп, түсіріп жатады ғой. Сол сияқты. Мен оператор болдым, ұялы телефонға да түсірдім", - деді оператор.

Қалыңдық пен күйеу бала Қазақстанда танысқан. Тойға қыздың туыстары да келіпті. Ал күйеу жолдас пен қыз жолдас АҚШ-та болған. 

"Біз бастаған кезде оларда түнгі бір болды. Үзіліс аяқталғаннан кейін жастардың ата-анасы оларды ұйықтауға жіберді", - деді той операторы. Оның айтуынша, қалыңдық пен күйеу жігіт АҚШ-та оқып жатыр екен, құжаттарымен мәселе туындап, сондықтан елге орала алмапты. Асаба онлайн-тойды 30 жылда тұңғыш рет өткізіп отырғанын және аң-таң болғанын айтыпты. Ал оператор мұндай онлайн-беташарды осымен екінші рет көріп отырғанын жеткізді.  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай