Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Қарт жауынгер соғыс ардагері куәлігіне 70 жылдан кейін қол жеткізді

01 Ақпан 2016, 18:00
0
© Otyrar.kz
© Otyrar.kz

Қарт жауынгер соғыс ардагері куәлігіне 70 жылдан кейін қол жеткізді, - деп хабарлайды "Отырар"

93 жастағы Ғани Ергешов соғыстағы ұрыстардың бірінде ауыр жараланып, госпитальға түскен. Есін жиған ол әскери билеттерінің жоғалып кеткенін байқайды. "Мені госпитальға жеткізген санитарлар әскери билетті алған. Ары қарай қайда қойғандарын ешкім білмейді, - деп еске алады Ғани ақсақал. - Кейін сол госпитальдан басқасына ауыстырды. Елге 1947 жылы оралдым. Келе сала құжатымды қалпына келтіру үшін әскери комиссариатқа барсам, ондағылар ресми сұраныс жіберу керек деді. Бір-екі барған соң ол жаққа мүлде аяқ баспай қойдым".

Ғани Ергешов
Ғани Ергешов. © Otyrar.kz

Қарттың немересі  әділеттілікті қалпына келтіру мақсатында әскери комиссариатқа барған. Жауап 6 айдан кейін келді.

Әскери мұрағаттың анықтамасы
Әскери мұрағаттың анықтамасы. © Otyrar.kz
 
Шымкент қалалық қорғаныс істері басқармасының ардагерлермен жұмыс істеу бөлімінің бас маманы Дариға Қожамұратова Ресейдің Подольск қаласындағы орталық архиві мен Санкт-Петербордағы әскери-медициналық музейге сұраныс жібергенін айтты. "Ол жақтарда соғыста жарақат алған жауынгерлердің құжаттары сақталады. Содан, 2016 жылдың қаңтар айында Ресейден мұрағат анықтамасы келді. Онда "Қызыл армия сарбазы Ғани Ергешов Ұлы отан соғысында әскери ұрыстарға қатысты және жағына жарықшақ тиіп, жарақат алған" деп жазылған", - деді ол.

Осы анықтама негізінде қарт жауынгер Ғани Ергешов ардагер куәлігіне қол жеткізді. Дариға Қожамұратованың айтуынша, қария соғыс ардагерлері қолданатын барлық жеңілдікті ала алады.

Дереккөз: "Отырар"


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай