Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазнетті жаулап алған жамбылдық "диктор" өз дарыны жайлы айтып берді

26 Қаңтар 2016, 18:49
3

Жамбыл облысында тұратын Жасұлан Кенжебай камера алдындағы кәсіби стендаптарымен Қазнетті жаулап алды. Tengrinews.kz тілшісіне берген сұхбатында ол өз дарыны жайында және ойда жоқта келген танымалдығы туралы айтып берді. 

Ол туралы видео таяуда әлеуметтік желілерде таралған еді. Ауыл жігіті телеарна тілшілері секілді елдегі жағдайды өз мәнерінде айтып береді. Желі қолданушылары оның дарынды екенін айтады. Олардың пікірінше, "дикторды" тез арада республикалық телеарналардың біріне қызметке алу керек. Ал тағы біреулері оның МС Сайлаубек секілді атақты болып кететінін айтып отыр.

Жасұлан Кенжебайдың айтуынша, ол Жамбыл облысының Қарақат ауылында дүниеге келген. 32 жастағы ер адам бала кезінде журналист болуды армандапты, алайда қазіргі уақытта тіпті де басқа салада жұмыс істейді. "Дарынымды үшінші сыныпта оқып жүргенімде қатысқан "Жігіт сұлтаны" байқауында жеңімпаз болғанымда байқадым. Кейін жоғарғы сыныптарда түрлі конкурстарда жеңіп, үздік оқыдым. Осыдан кейін мал дәрігерлігі колледжіне түсіп, оны қызыл дипломмен бітірдім және 2004-2006 жылдары ҚР ҰҚК Шекара қызметінде борышымды өтедім", - дейді Жасұлан. Қазір ол күзетші болып жұмыс істейді. Үйленген, екі баланың әкесі.

Ол камера алдында бірінші рет өткен жылдың жазында өнер көрсете бастапты. "Досым қонаққа келіп, телефон камерасына қарап тұрып, сөйлеуімді сұрады. Әдетте мәтіндерді тез жаттап аламын, көлемді болса да. Оны бір-екі рет оқып алсам жетеді, ары қарай жалғастыра беремін. Мәтін арасында Төле бидің, Қазыбек бидің, Әйтеке бидің қанатты сөздерін қосамын. Негізінде көбі тосыннан шығады", - дейді ол. 

Кенжебай отандық журналист Нартай Аралбайұлын үлгі тұтатынын айтады. "Оның сөйлеу мәнері, дауысы қалыптасқан. Мен де сол бағытта дарынымды көрсеткім келеді. Бірақ ауыл жігіттері көп жағдайда назардан тыс қалып, дарынымыз ашылмаған күйі қалып қойып жатамыз", - деді Жасұлан.


Нравится
Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай