18+ Серена Уильямсты маймылға теңеген тележүргізушіге айыппұл салынды

17 Қыркүйек, 15:02
0
Серена Уильямсты маймылға теңеген тележүргізушіге айыппұл салынды -

Румыниялық тележүргізуші Раду Банчу эфир кезінде америкалық теннисші Серена Уильямсты маймылға теңеймін деп айыппұл төлейтін болды. Бұл туралы Румынияның Кемсітумен күрестің ұлттық кеңесі (CNСD) сайтында көрсетілген, - деп хабарлайды Vesti.kz.

Эфир кезінде Банчу теннисшіні "кө...і қызыл маймылға ұқсайды" деген еді. "Ал маймылдың бұтына шалбар кигізсең, ол корттағы Уильямстан аумай қалады", - деген болытн тележүргізуші.

CNCD директорлар кеңесі бұл сөздерді нәсілшілдік деп атап, Банчуға сегіз мың лей айыппұл салды (екі мың доллардай).

37 жастағы Уильямс - төртдүркін Олимпиада чемпионы және "Үлкен дуылға" турнирін жекелей сайыста 23 рет ұтқан.

Айта кетейік, журналист Раду Банчу осыған дейін Румыниядағы Молдова студенттерін мазақ етіп, ар-намысқа тиетін сөздер айтқан. Осы үшін ол істейтін телеарнаға қомақты сома айыппұл салынған еді. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай