Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Зарина Дияс Жапониядағы WTA турнирінің финалына шықты

11 Қазан 2014, 15:15
0

Қазақстанның бірінші ракеткасы Зарина Дияс Жапонияның Осака қаласында өтіп жатқан WTA турнирінің финалына шықты, - деп хабарлайды Vesti.kz.

Жартылай финалдық жарыста қазақстандық теннисші Тайландтан келген спортшы Луксика Кумхумды жеңді. Ойынның есебімен мына жерде таныса аласыздар. Айта кетейік, мұның алдында спортшымыз АҚШ-тан келген Мэдисон Кисті жеңген болатын. 

Енді Зарина Дияс финалда Стосур мен Свитолина жұбындағы жеңімпазбен кездеседі. Порталдың мәліметінше, финалға шығар алдында Зарина WTA рейтингі бойынша 180 ұпай жинаған, сондай-ақ 21 400 доллар жүлде алған. Еске сала кетейік, 10 қазан күні Зарина Дияс хорватиялық Аню Конюхты 3 сетте ұтып, Жапонияның Осака қаласында өтіп жатқан WTA турнирінің жартылай финалына шыққан. 

Айта кетейік, қазақстандық теннисші жанкүйерлердің қолдауымен Сингапурдағы WTA Rising Stars жас жұлдыздар турниріне іріктелген болатын. Бұл турнирге Пуэрто-Рикодан Моника Пуиг, америкалық Шелби Роджерс және қытайлық Чжен Сайсай қатысады. Зарина Дияс WTA рейтингінде 37-орында тұр. Бұл көрсеткішке ол Қытайда өткен жарыста екінші кезеңге өткен соң жеткен еді. Қазақстандық теннисші әртүрлі жарыстарға қатысып, бір жылда 500 мың доллар пайда тапқанын да айта кеткен жөн.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай