1. Басты
  2. Біл
  3. Жаңалықтар
  4. ТМД

Жаңа билікке қарсы топ Қырым әкімшілік ғимараттарын басып алды

Симферопольдегі Қырым парламенті ғимаратының алды. ©REUTERS Симферопольдегі Қырым парламенті ғимаратының алды. ©REUTERS
Қырымда елдің жаңа билігіне қарсы адамдар әкімшілік ғимараттарды басып алды деп хабарлайды Tengrinews.kz "РИА Новости"-ге сілтеме жасап.
Қырым Жоғарғы Кеңесі өкілдерінің хабарлауынша, бүгін осы себепті депуттар жұмыс орнына кіре алмаған. "Біз жұмысқа келдік, бірақ ішке ене алмадық: ғимаратты милиция қоршауға алған. Бізге "ғимаратты басып алды, бүгін жұмыс болмайды" деді. Қырым Министрлер кеңесінде де осындай жағдай", - дейді олар. Парламент пен үкіметте 27 ақпанда осылайша күтпеген демалыс жарияланды. "Бастығымыз таңертең бөлімнің барлық қызметкеріне қоңырау шалып, ғимараттың басып алынуына байланысты жұмыс болмайтынын айтты", - дейді бір қызметкер. Еске сала кетейік, Қырымда 25 ақпан күні наразылық шаралары басталды. Тұрғындар депутаттардан елдің жаңа билігін мойындамауды талап етіп отыр. Ереуілшілер, сондай-ақ, Қырымның 1992 жылғы Конституциясын қалпына келтіруді сұрайды. Бұл заң Қырымға жеке басшы мен тәуелсіз сыртқы саясаттың болуын қамтамасыз етеді.