Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Қырғызстан мен Тәжікстан шекарада қару қолданбауға келісті

17 Шілде 2014, 15:12
0
©Ярослав Радловский
©Ярослав Радловский

Тәжікстан мен Қырғызстанның Сыртқы істер министрлері екіжақты келіссөздердің нәтижесінде екі ел шекарасында ауыр және қарапайым қару қолданбау жөнінде келісімге келді, - деп хабарлайды Tengrinews.kz тілшісі. Қырғыз-тәжік шекарасы екі елдің күш құрылымдары арасындағы атыс алаңына айналып жүр.

Қырғыз Республикасы Сыртқы істер министрі Эрлан Абдылдаевтың айтуынша, қырғыз елі арадағы келісімдерге қайшы әрекет етіп, олардың іске асуына кедергі келтірген Тәжікстан тарапының әрекеттеріне байланысты алаңдаушылық білдірген. "Біз келіссөздер шеңберінен шығып кеттік, бізге мәселелер легін талқылап алу керек еді. Барлық сұраққа бірдей жауап ала алмадық, бірақ жуық арада сауалдарымызға жауап табамыз деп сенеміз", - деп мәлімдеді Абдылдаев.

Келіссөздер барысында шекаралас аудандар, делимитация және демаркация мәселелері талқыланды. Тәжікстан Сыртқы істер министрі Сиражиддин Аслов: "Қырғызстан мен Тәжікстан аймақтық және екіжақты мәселелер жөнінен ортақ көзқараста. Әрине, шекараға қатысты мәселелер бар, бірақ біз халықтарымыздың даналығына сүйеніп, оларды шешеміз деп үміттенеміз", - деді.

Еске сала кетейік, қырғыз-тәжік шекарасында 10 шілде күні кезекті қақтығыс болды. Бұл жолы екі ел шекарашылары арасында атыс болды. Тәжікстан тарапынан қырғыздың "Тамдық" шекара тұрағына минометтен және гранатометтен оқ жаудырылды. Атыс салдарынан Қырғызстанның бір шекарашысы қаза тапты.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай