1. Басты
  2. Біл
  3. Жаңалықтар
  4. ТМД

Украина әскери-теңіз күштерінің қолбасшысы ұсталды

Сергей Гайдук. ©Rian.com.ua Сергей Гайдук. ©Rian.com.ua
Севастопольде прокуратура қызметкерлері Украина әскери-теңіз күштерінің қолбасшысы Сергей Гайдукты ұстады, - деп хабарлайды "Крыминформ". Басылымның мәліметінше, Гайдук украин әскери бөлімдеріне "Киевтен келген бейбіт тұрғындарға қару қолдану туралы бұйрықты" жеткізгені үшін айыпталып отыр. Гайдук ұсталғанға дейін Украина әскери-теңіз күштері штабын бетперде киген адамдар басып алған. Олар өздерін "өзін-өзі қорғау өкілдеріміз" деп таныстырыпты. Шабуылшылар қақпаны сындырып, аумаққа енген, ғимараттың төбесіне Ресейдің туын іліп, штабтағы мүліктерді шығара бастаған.
BBC News куәгерлерге сілтеме жасай отырып, контр-адмирал Сергей Гайдуктың Ресейдің Қара теңіз флоты қолбасшысы - вице-адмирал Александр Виткомен келіссөз жүргізгенін, содан кейін белгісіз офицерлердің жетегімен штабтан әкетілгенін хабарлайды. Украина қорғаныс министрлігі Гайдуктың Севастопольдегі әскери-теңіз күштері штабынан әкетілгенін растады. Бұл туралы "Украинская Правда" хабарлады.
Доллар арзандады