Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Вован Лукашенкоға қатысты әзіл әрекеттің егжей-тегжейін түсіндірді

18 Маусым 2014, 09:15
0
Вован. Сурет facebook.com/Vovan222 парақшасынан алынған
Вован. Сурет facebook.com/Vovan222 парақшасынан алынған

 "Vovan222 өзінің Facebook парақшасында Белорусь президенті Александр Лукашенкомен телефон арқылы сөйлесуіне қатысты әзіл әрекеттің егжей-тегжейін түсіндірді. Оның сөзіне қарағанда, Интернетте жария болған аудиожазба ол үшін тосын жай болған, ол мұндай жазбаны Желіге салмағанын мәлімдеді" деп хабарлайды Tengrinews.kz.

"Александр Григорьевичпен арадағы әңгіме 14 маусым сенбі күні таңертең болған еді. Тағы бір-екі күннен кейін Лукашенкомен қайта сөйлесуді жоспарлап, арадағы әңгімені жария етпей тұруды жөн санағам. Алайда, жексенбіден дүйсенбіге қараған түні белгілі украин журналисті Мустафа Найемнің facebook парақшасында біздің Лукашенкомен арадағы әңгімеміздің сөзбе-сөз көшірмесін көргенде, таң қалдым. Найем бұл әңгіме Лукашенко мен Янукович арасында шын болғандай етіп көрсетіпті. Сондай-ақ, бұл жазбаны сенімді дерек көзінен алғанын айтады. Ал дүйсенбі күні украиндық БАҚ-та аудиожазба жарияланды" дейді Vovan222.

"Міне, тосын сый! Алғашқы нұсқада бұл әзіл әрекет ретінде емес, кіші-Виктор Янукович пен Александр Лукашенконың арасында шын болған әңгіме ретінде көрсетілген болатын. Аудиожазбаның сапасы да жоғары, менікінен жақсы. Ең бастысы жазба маған Лукашенконың адъютантынан телефон қоңырауы келгеннен кейін мен телефон тұтқасын көтермей тұрып басталған" деп таңданады Вован.

Телефон бұзығы менің президентке емес, керісінше Лукашенконың адъютанты маған телефон соққанын және президентке қосқанын айтады. "Яғни, БАҚ-та жария болған жазба менің тарапымнан жазылмаған" дейді Вован.

"Осыған қарап, Белорусь президентінің телефон қоңырауын біреулер тыңдап отырған ба деген сауал туындайды. Бәлкім бұл УҚҚ не батыстық арнайы қызметтердің бірі болуы ықтимал. Алайда олар бұл жазбада Лукашенкомен сөйлескен Януковичтің ұлы емес екенін түсінбей, оны шынайы деп қабылдаған. Сөйтіп ол жазбаны Киев билігіне берген. Ал олар мұның арандату екенін білмей, тексерместен өз кезегінде "сенсациялық" әңгіме деп, өздеріне жақын журналист Найем арқылы жария етіп жіберген" деп пайымдайды Вован.

"Бұл жайлы дүйсенбі күні қайта телефон соққан кезде Лукашенконың көмекшілеріне айттым. Арадағы әңгіменің желіде қалай жария болғаны жайлы сұрадым. Міне енді өзім жазып алған, Лукашенкомен және оның көмекшілерімен арада болған әңгімені жариялап отырмын" деп жазады Vovan222.

Естеріңізге сала кетсек, Белорус президенті Александр Лукашенконың телефон арқылы сөйлесуіне қатысты әзіл әрекет 16 маусымда LB.ua сайтында жарияланған еді. Телефон бұзығы Виктор Януковичтің ұлының даусымен Лукашенкодан әкесі үшін саяси баспана сұраған, ал ол келіскен. Ал Виктор Януковичтің ұлы Лукашенкомен телефон арқылы сөйлеспегенін айтады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай