АҚШ қауіпсіздік қызметі 193 елде тыңшылық ете алады

01 Шілде 2014, 16:35
0
АҚШ қауіпсіздік қызметі 193 елде тыңшылық ете алады - ©REUTERS
©REUTERS

Сот АҚШ Ұлттық қауіпсіздік агентігіне 193 елден барлау мәліметтерін жинауға рұқсат берді, - деп жазады The Washington Post агенттіктің бұрынғы қызметкері Эдвард Сноуден ұсынған құжатарға сілтеме жасап.

Арнайы қызметтерге шетелдік барлау қызметтерін бақылау жөніндегі соттан (Foreign Intelligence Surveillance Court) рұқсат алған. АҚШ барлауға рұқсат алған 193 елдің арасында Қазақстан да бар. Сонымен бірге, америкалық құпия қызметтер Бүкіләлемдік банк, Халықаралық влюта қоры, Еуроодақ, МАГАТЭ сияқты ірі ұйымдардың қызметін де бақылайтын болады. Дегенмен құжатта "соттың рұқсаты америкалық барлау қызметі аталған елдердің барлығында барлау шараларын еркін жүргізе береді деген сөз емес" делінген.

АҚШ ҰҚА өкілдері Сноуден ұсынған мәліметтерге қатысты түсінік беруден және оның нағыз құжат екенін растаудан бас тартты. Есесіне, америкалық барлау қызметінің бұрынғы мамандары аноним түрде жауап берді. "Америка Құрама Штаттарымен тату елдердегі гуманитарлық дағдарыс жағдайында әскерилерге қысқа мерзімде барлық америкалықты түгел көшірудің қандай қиын жағдай екені түсінікті. Егер ол ел аталған тізімде жоқ болса, АҚШ ҰҚА қажетті мәліметтерді заңды түрде жинай алмайды", - дейді бұрынғы қызметкерлердің бірі.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай