АҚШ "Ислам мемлекетін" жойып жіберу мерзімін атады

12 Маусым 2015, 09:05
0
АҚШ "Ислам мемлекетін" жойып жіберу мерзімін атады - ©Topwar.ru
©Topwar.ru
АҚШ "Ислам мемлекетін" жойып жіберу мерзімін атады - Рэй Одиерно
©Globallookpress.com / face to face / MediaPunch
Рэй Одиерно ©Globallookpress.com / face to face / MediaPunch

"Ислам мемлекеті" лаңкестік тобын жойып жіберуге халықаралық коалицияға он жылға дейін уақыт қажет. Бұл туралы АҚШ құрлық әскері штабының басшысы Рэй Одиерно CBS News басылымына берген сұхбатында мәлімдеді, - деп хабарлайды Lenta.ru.

"Бұл үш, бес, жеті немесе он жылға созылатын мәселе - оны бір түнде шеше салуға болмайды. АҚШ өздігінен "Ислам мемлекетін" жойып жібере алмайды. Біз тек көмек көрсете аламыз", - деді ол. Оның пікірінше, экстремистермен күресті бірінші кезекте араб елдері, нақтырақ айтқанда Ирак жүргізуі керек. Генералдың айтуынша, Бағдат "өз елі үшін соғысуға дайын жауынгерлердің дайындығына" назар аударуы керек. 

Осыған дейін Пентагонда Вашингтонның "Ислам мемлекетімен" жүргізілген күреске 2,7 миллиард долларды жаратқанын хабарланған болатын. Күн сайынғы күрестің құны 9 миллион теңге көрінеді. 

Еске сала кетейік, "Ислам мемлекеті" Ирак пен Сирия территориясының көп бөлігін жаулап алды. Орталық барлау басқармасының мәліметінше, 30 мыңға жеткен содырлар тобы жаулап алынған жерлерде халифат жариялап, аумағын кеңейтуге тырысып жатыр. "Ислам мемлекеті" тобы Сирияда үкіметтік жасақтарға қарсы соғысса, Иракта жергілікті әскерилер мен күрд халық жасақтары арасындағы соғысқа араласады. Содырларға қарсы Сирия, Ирак және АҚШ басшылығындағы халықаралық коалиция күресіп жатыр.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай