АҚШ қалаларында жалаңаш Трамптың мүсіндері пайда бола бастады

19 Тамыз 2016, 10:51
0
АҚШ қалаларында жалаңаш Трамптың мүсіндері пайда бола бастады - © Associated Press
© Associated Press

АҚШ-та Республикалық партияның кандидаты Дональд Трамптың жалаңаш мүсіндері пайда бола бастады. INDECLINE анархистік топ белсенділері осындай мүсіндерді бес америкалық қалада орналастырған, - деп жазады Washington Post басылымы.

Трамптың жалаңаштанған денесінің мүсіні 18 тамызда Нью-Йорк, Лос-Анджелес, Сан-Франциско, Кливленд және Сиэтлдің орталықтарында қойылған. "Бізге ұнайды ма, ұнамайды ма ол маңызды емес. Трамп әлем мәдениетінде әйгілі тұлғаға айналды. Тарихта мұндай адамдарды мәңгі есте қалдыру үшін оның мүсінін жасап, қадірлеген", - деді жобаны ұйымдастырушылардың бірі.

Басылымның хабарлауынша, Трамптың мүсіні керемет кейіпте емес. "Басқа әлем қалаларында орналасқан саяси тұлғалардың ескерткіштерімен салыстырғанда оның қабағы тұнжыраған, еріндері сығылған, денесі  кедір-бұдырлы, дене бітімі іркілдеп тұр",  - делінген хабарламада.

Айта кетейік, ерекше мүсіндер көптеген қала тұрғынының қызығушылығын арттырған. 


© REUTERS


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай