Албек Ибраимов Қырғызстан астанасының әкімі болып сайланды

28 Ақпан 2016, 19:52
0
Албек Ибраимов Қырғызстан астанасының әкімі болып сайланды - Албек Ибраимов
Албек Ибраимов

Албек Ибраимов Бішкектің 45-жергілікті кеңесі депутаттарының басым бөлігінің дауысына ие болғаннан кейін Қырғызстан астанасының әкімі болып сайланды, - деп хабарлайды Ria.ru.

Ибраимов президенттік партияның атынан қатысқан және осы қызметке ұсынылған жалғыз кандидат. Оған 42 депутат дауысын беріп, біреуі ғана қарсы болды. Ибраимов депутаттарға өз бағдарламасын ұсынып, әкімдік жұмысын күшейтуге, оны мамандармен толықтыруға, сонымен қатар, астанадағы басты жолдарды көлік кептелісінен азат етуге сөз берді, көршілес елдің бас қаласында шамамен 1,2 миллион адам тұрады.

Айта кетейік, президенттік Әлеуметтік-демократиялық партиясы ұсынған 49 жастағы Ибраимов бұрын ел президенті Алмазбек Атамбаевпен қызметтес болған. Бакиевтің кезінде болған жағдайлардан кейін ол "Бішкек" АЭА бас директорының міндетін атқарушы болып тағайындалды, ал Атамбаев сайланғаннан кейін республика президенті аппараты басшысының орынбасары болды, 2013 жылдан бастап басқарма төрағасы, кейін - Қырғызстандағы "Манас" Халықаралық әуежайы" директорлар кеңесінің төрағасы.

Қырғызстан астанасының бұрынғы әкімі Қуанышбек Құлматов ақпан айының басында өз еркімен қызметінен кетті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай