Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Атамбаев Түркия мен Ресей арасындағы шиеленіске қай елдің кінәлі екенін айтты

24 Желтоқсан 2015, 12:10
0
Алмазбек Атамбаев. © knews.kg
Алмазбек Атамбаев. © knews.kg

Ресей ұшағын құлатып түсіру туралы қабылданған шешім қате. Бұл туралы Қырғызстан президенті Алмазбек Атамбаев 24 желтоқсан күні Бішкекте өткен баспасөз мәслихатында мәлімдеді, - деп хабарлайды Tengrinews.kz тілшісі. 

Қырғызстан басшысы бұл мәселеге қатысты өз позициясын тұңғыш рет жеткізді, ол Түркияның ел экономикасындағы ірі инвесторлардың бірі екенін де ескере кетті. "Бұл үлкен қателік, тіпті одан да зор - бұл жағдай екі елдің де халқы үшін қайғы әкелді. Жағдай өршіп барады, біз ресейлік және түркиялық телеарналардың долданып жатқанын көріп отырмыз. Мен РФ Мемлекеттік Думасы төрағасы орынбасарының Ыстамбұлдың маңына атом бомбасын тастау керек деп айтқанын естідім. Біз түрік тарапы жалған тәкаппарлықты қойып, қосымша қадам жасайды деп үміттенеміз. Ал Ресей бар күшін жинап, Түркияны кешіреді", - деді Атамбаев.

Алмазбек Атамбаевтың хабарлауынша, ол бұл мәселені таяуда Мәскеуге барған бейресми сапарында Владимир Путинмен талқылаған. Қырғызстан президенті екі ел бірін-бірі кешіреді деп үміттеніп отыр.

Еске сала кетейік, Ресей мен Түркияның қарым-қатынасы Сирия-Түркия шекарасында ресейлік Су-24 бомбалаушы ұшағын атып түсіру оқиғасынан кейін бұзыла бастады. Оқиға 24 қарашада болды. БАҚ мәліметінше, ұшақ түріктің F-16 жойғышының "әуе-әуе" түріндегі зымыраны арқылы атып түсірілген және Сирияда, Түркияның шекарасына 4 шақырым жерге құлаған. Ұшқыштардың бірі тірі қалды. РФ Әуе күштері Бас штабы шабуылға ұшыраған Су-24 бомбалаушысының Түркияның әуе кеңістігін бұзбағанын мәлімдеді және бұл мәліметтің сириялық әуе қорғанысының мәліметтерімен расталатынын алға тартты. Ал Түркия ұшақтың шекараны бұзғанын айтып отыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай