Австралия "Ислам мемлекеті" тобымен күреске 600 әскери сарбазды жібермек

14 Қыркүйек 2014, 13:07
0
Австралия "Ислам мемлекеті" тобымен күреске 600 әскери сарбазды жібермек -  wikipedia.org
wikipedia.org

 Австралия Ирак территориясындағы "Ислам мемлекеті" радикалды тобына қарсы әскери операцияларға дайындық үшін 600 әскери сарбазды БАӘ жібермек. Бұл туралы елдің премьер-министрі Тони Эббот мәлімдеді. 

Оның айтуынша "Ислам мемлекеті" тобына қарсы күреске 600 әскери сарбаз жіберіледі. Әскер құрамында 8 палубалы жойғыш-бомбалаушылар, "Супер Хорнет" шабуылшылары, радиобақылаумен жабдықталған ұшақ, басқа да ұшақтар мен арнайы құрылған әскери топ бар. 

Эботтың айтуынша, Австралияның бұл әрекеттері адамгершілікке негізделген. Олардың мақсаты Ирактағы миллиондаған қарапайым тұрғындарды зорлық-зобылықтан қорғау.  "Сонымен қатар Австралия "Ислам мемлекеті" тобы мүшелерінің әрекеттерін тоқтату үшін халықаралық операцияларға қатысуға да дайын. Өйткені ИМ тобы тек Иракқа ғана емес, бүкіл Таяу шығыс елдеріне де, тіпті Австралияға қауіп төндіріп отыр", дейді австралиялық премьер. 

Естеріңізге сала кетейік, бұған дейін "Ислам мемлекеті" тобы тудырған террористік қауіпке қарсы 10 араб мемлекетінен коалиция құрылғаны белгілі болған еді. Сондай-ақ АҚШ президенті Барак Обама Ирактағы және Сириядағы ИМ тобының мүшелеріне әуеден соққы жасауға әзір екендіктерін айтқан болатын. Сонымен Ақ үй басшысы өздерінің Иракқа тек гуманитарлық көмек жасаумен, құрлықтағы әрекеттермен шектелмейтіндерін айтты.   


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай