Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Берлинде мыңдаған адам арнайы қызметтің жаппай тыңшылық жасауына қарсы шықты

31 Тамыз 2014, 20:28
0
©Vesti.ru
©Vesti.ru

Берлинде мыңдаған адам арнайы қызмет қарапайым адамдарға жаппай тыңшылық жасауды тоқтатсын деп шеруге шықты, - деп хабарлайды Вести.

Шеруге шыққандар Бранденбург қақпасынан канцлердің кеңсесіне дейін жүріп өтті. Олардың басты ұраны: "Қорқыныш емес, бостандық" болған. Сондай-ақ жиналғандардың көпшілігі қолдарына "Сығалауды доғарыңдар" деген жазуы бар плакаттарды ұстап жүрген. 

Шеруді ұйымдастырушылардың қатарында Amnesty International секілді біріккен халықаралық құқық қорғау ұйымдарының көшбасшылары болған. Шеруге шыққандардың айтуына қарағанда, Эдвард Сноуден әшкерелеген және бірнеше тыңшылық дауларға қарамастан америкалық, британдық және неміс барлау өкілдері әлі де қарапайым адамдарды бақылауын жалғастырып келеді.

Еске салайық,  АҚШ-тың Ұлттық қауіпсіздік агенттігі елден Орталық барлау басқармасының бұрынғы қызметкері Эдвард Сноуден қашып кеткеннен кейін заңсыз электронды тыңшылық жасады деген айыппен үлкен дауға қалды. Ол кезде Сноуден американың Ұлттық қауіпсіздік агенттігі күн сайын дүниежүзі бойынша 5 млрд адамның  және 35 елдің басшыларының ұялы телефон қоңырауынан ақпарат жинайтынын Washington Post және Guardian газеттерінде жариялап жіберген болатын.  Үкімет басшылары оның бұл әрекетін отанын сату деп бағалап отыр. Сноуден АҚШ-тан Гонконгке ұшып кеткен, ал 23 шілдеде Ресейге келіп, Мәскеудің "Шереметьево" әуежайында бөгеліп қалған. 1 тамызда Ресей оған бір жыл тұрақтауға рұқсат берген. Айта кетейік, АҚШ Сноуденді құпия мәліметтерді заңсыз таратты деп айыптауда. Ұлттық қауіпсіздік агенттігінің бұрынғы қызметкеріне әр пункті бойынша 10 жылға дейін бас бостандығынан айырылу қауіпі төніп тұр.

 

 

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай