+7 (777) 001 44 99
ПОДЕЛИТЬСЯ
Парижде қарулы шабуыл жасалған Charlie Hebdo сатира басылымы өзінің Twitter-дегі шағын блогына соңғы рет "Ислам мемлекеті" тобы содырларының жетекшісі Әбу Бакра әл-Бағдадиге арналған карикатураны жариялаған, - деп хабарлайды РИА Новости.
Парижде қарулы шабуыл жасалған Charlie Hebdo сатира басылымы өзінің Twitter-дегі шағын блогына соңғы рет "Ислам мемлекеті" тобы содырларының жетекшісі Әбу Бакра әл-Бағдадиге арналған карикатураны жариялаған, - деп хабарлайды РИА Новости.
Карикатура қарулы шабуылдан шамамен бір сағат бұрын жарияланған. Онда исламистер жетекшісінің көпшілікке "денсаулық пен бар жақсылықты" тілегені бейнеленген.
AFP агенттігінің хабарлауынша, Charlie Hebdo журналы редакциясына шабуылдаған қарулы ер адамдар "Аллаһу акбар, біз пайғамбар үшін кек алдық" деп айқайлаған. France TV Info сайтында жарияланған куәгерлердің видеосынан террористердің полициямен атысып болып, машинаға отырып, ғимаратты тастап бара жатқанын көруге болады. Видеоға қара киім киген екі ер адам түсіп қалған.
Ал Еuronews қарулы шабуылға жуырда сатира апталығы жариялаған жазушы Мишель Уэльбектің болжамдары себеп болуы мүмкін деп хабарлады. Ол "2022 жылы Францияда исламист президент болуы мүмкін және ол кезде Парижде Пасха емес, Рамазан тойланады" деген.
Еске сала кетейік, 7 қаңтар күні таңертең белгісіз біреулер Charlie Hebdo журналы редакциясының ғимаратына оқ жаудырды. Оқиға салдарынан 12 адам қаза тапты, оның екеуі - полицей, қалғандары - басылым қызметкерлері. Арасында апталықтың бас редакторы да бар. Тағы біраз адам жарақат алды. Франция президенті Франсуа Олланд редакция жасалған шабуылды теракт деп атады. Парижде террористік қауіптің биік деңгейі жарияланып, төтенше жағдай режимі енгізілді.
