Депутаттар БЖЗҚ қызметіне қатысты Сағынтаев пен Ақышевқа сауал жолдады

22 Ақпан 2017, 12:45
0
Депутаттар БЖЗҚ қызметіне қатысты Сағынтаев пен Ақышевқа сауал жолдады - © Тұрар Қазанғапов
© Тұрар Қазанғапов

Мәжіліс депутаттары Қазақстан премьер-министрі мен Ұлттық банк басшысына Бірыңғай жинақтаушы зейнетақы қорының қызметіне қатысты сауал жолдады, - деп хабарлайды Tengrinews.kz тілшісі. Сауал Альберт Раудың биыл жеке секторларды қолдауға БЖЗҚ-дан қаржы бөлінетіні туралы мәлімедемесіне қатысты.

"Біздің сауал премьер-министр мен Ұлттық банк төрағасына. Аймақтарды аралау кезінде тұрғындарды ерекше алаңдататын бір мәселе зейнетақы қоры мен кепілдендіруге, жалпы БЖЗҚ-ға байланысты болды", - деді депутат Майра Айсина палатаның жалпы отырысы кезінде.

Ол инвестициялар және даму вице-минстрі Альберт Раудың биыл жеке секторларды қолдауға БЖЗҚ-дан қаржы бөлінетіні туралы мәлімедемесін еске салды.

"Үкімет пен Ұлттық банктен 2014 жылдан қазіргі уақытқа дейін БЖЗҚ-ның қандай қаржы құралдары инвестицияланғаны, олардың қандай шарттармен және қанша мерзімге берілгені туралы ақпарат беруді сұраймыз", - деді Айсина.

Сауал авторлары ретінде "Нұр Отан" партиясының депутаттары Қарақұсова, Сәбильянов, Базарбаев, Ахметов, Аронова, Аманжолова және Айсина екені көрсетілген.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай