Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Эквадорлық құтқарушылар үйінділер арасында 40 сағат бойы жатқан ер адамды құтқарды

19 Сәуір 2016, 11:03
0

Эквадордың Портовьехо қаласында құтқарушылар ғимараттың қираған үйінділерінің астында 40 сағат бойы жатқан ер адамды құтқарды, - деп хабарлайды РИА Новости. Операция дүйсенбі күні кешке эквадорлық және колумбиялық құтқарушылардың күшімен жүргізілген.

El Comercio порталының мәліметінше, құтқарылған ер адам қонақүйде администратор болып жұмыс істеген. Жер сілкінісі кезінде ол бірінші қабатта болыпты. Тоғыз қабатты ғимарат толықтай қирап қалғанымен, Пабло Кордобе аман қалып, тіпті туыстарына өзінің қай жерде екенін айтып қоңырау шалған.

Бірнеше сағат бойы жұмыс істеген құтқарушылар ер адамды тауып, оны үйінділер арасынан аман алып шықты. Зілзала кезінде ғимаратта тағы бес адам қалып қойған. Олардың үшеуінің денесі табылды, қалған екі адамның тағдыры әзірше белгісіз.

Айта кетейік, Эквадорда 16 сәуірде магнитудасы 7,8-ге тең жер сілкінісі тіркелген еді. Зілзала салдарынан мейрамханалар, қонақүйлер мен тұрғын үйлер қирады. Соңғы мәліметке сүйенсек, жер сілкінісінің салдарынан 413 адам қаза тапқан.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай