+7 (777) 001 44 99
ПОДЕЛИТЬСЯ
Ресейлік Су-24 ұшағымен болған оқиғадан кейін Ресеймен арадағы қарым-қатынасты дипломатиялық жолмен реттеу қажет, деп мәлімдеді Түркия президенті Ердоған сейсенбі күні Парижде өткен АҚШ президенті Барак Обамамен кездесуінде, - деп хабарлайды РИА Новости.
Ресейлік Су-24 ұшағымен болған оқиғадан кейін Ресеймен арадағы қарым-қатынасты дипломатиялық жолмен реттеу қажет, деп мәлімдеді Түркия президенті Ердоған сейсенбі күні Парижде өткен АҚШ президенті Барак Обамамен кездесуінде, - деп хабарлайды РИА Новости.
"Біз құрметті Обамамен Ресеймен болып жатқан жағдайды талқыладық. Түркия болған жағдайды дипломатиялық жолмен шешуді қолдайды", - деді Ердоған. "Біз шиеленіс деңгейін төмендеткіміз келеді (Ресеймен арадағы қарым-қатынастағы - ред.)", - деді ол.
Еске сала кетейік, Ресей мен Түркияның қарым-қатынасы Сирия-Түркия шекарасында ресейлік Су-24 бомбалаушы ұшағын атып түсіру оқиғасынан кейін бұзыла бастады. Оқиға 24 қарашада болды. БАҚ мәліметінше, ұшақ түріктің F-16 жойғышының "әуе-әуе" түріндегі зымыраны арқылы атып түсірілген және Сирияда, Түркияның шекарасына 4 шақырым жерге құлаған. Ұшқыштардың бірі тірі қалды. РФ Әуе күштері Бас штабы шабуылға ұшыраған Су-24 бомбалаушысының Түркияның әуе кеңістігін бұзбағанын мәлімдеді және бұл мәліметтің сириялық әуе қорғанысының мәліметтерімен расталатынын алға тартты. Ал Түркия ұшақтың шекараны бұзғанын айтып отыр.
