Германияда қолына балта ұстаған ауғанстандық 17 жастағы босқын қанды қырғын жасады

19 Шілде 2016, 08:43
0
Германияда қолына балта ұстаған ауғанстандық 17 жастағы босқын қанды қырғын жасады - © dpa
© dpa

Германияның оңтүстігіндегі Вюрцбург қаласының түбінде ауғанстандық 17 жастағы босқын қолына балта ұстап, қанды қырғын жасады, - деп хабарлайды Bild.de. Оқиға 18 шілдеде кешкі уақытта болған.

Қолына балта мен пышақ ұстаған жасөспірім "Аллаху Акбар" деп айғайлап, пойыз жолаушыларына шабуылдаған. Салдарынан 19 адам жарақат алып, ауруханаға жеткізілді. Олардың үшеуі ауыр жағдайда жатыр.  

Пойыз тоқтағанда жігіт қашып кетпекші болған, алайда оқиға орнына келген полиция жасағы алдынан шығып, оны атып тастаған.

Бавария ІІМ басшысы Йоахим Херрманның айтуынша, күдікті Оксенфуртте тұрады екен. Ол Германияға таяуда келіпті. "Шабуылдаушы исламшы топтарымен байланысты болуы мүмкін", - деп мәлімдеді Херрман.


Фото: dpa


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай