1. Басты
  2. Біл
  3. Жаңалықтар
  4. Жаһан

Хиллари Клинтон АҚШ президенті сайлауында өз даусын берді 08 қараша 2016, 20:50

АҚШ президенттігіне сайлау 8 қарашада басталған.
© Интерфакс © Интерфакс

АҚШ президенттігіне үміткер Хиллари Клинтон сайлауда дауыс берді, деп хабарлайды Lenta.ru сайты The Daily Mail басылымына сілтеме жасап.

Басылымның мәліметінше, ол Нью-Йорктегі сайлау учаскелерінің біріне күйеуімен бірге келген. Ол жерде Хиллари Клинтонды өзге дауыс берушілер қошеметпен қарсы алған екен. "Мен толқып тұрмын, өйткені осының бәрі үлкен жауапкершілікпен байланысты. Сайлау қорытындысын көптеген адам бақылап отыр, бұл еліміз үшін қандай маңызды екенін көруде. Егер мен жеңіске жетсем, мүмкіндігім келгенше іс атқаратын боламын", - деді ол жиналған жұртқа.

АҚШ президенттігіне сайлау 8 қарашада басталған. RealClearPolitics сайлауалды сауалнама қорытындысының агрегаторының мәліметінше, Клинтон өз қарсыласын - Дональд Трампты 3,2 пайызға озып тұр.