Жоғалып кеткен EgyptAir ұшағының бортында 12 елдің азаматтары болған

19 Мамыр 2016, 12:44
0
Жоғалып кеткен EgyptAir ұшағының бортында 12 елдің азаматтары болған - © Ptzgovorit.ru
© Ptzgovorit.ru

EgyptAir әуе компаниясы Жерорта теңізінің үстінде жоғалып кеткен ұшақтың бортындағы жолаушылар мен экипаж мүшелерінің санын анықтады. Бұл жөнінде әуе компаниясының өкілі Twitter парақшасында хабарлады.

Лайнердің бортында 56 жолаушы, экипаждың 7 мүшесі және қауіпсіздік қызметінің 3 қызметкері болған екен. Олардың 30-ы Мысыр, 15-і - Франция, екеуі - Ирак азаматы, бір-бірден Ұлыбритания, Бельгия, Кувейт, Сауд Арабиясы, Судан, Чад, Португалия, Алжир және Канада азаматтары болғаны анықталды.

Айта кетейік, ұшақ радардан Каир уақыты бойынша сағат 02.45-те жоғалып кеткен болатын. Ұшақ ол кезде Мысырдан 80 миль жерде болған. Ол радардан Грекияның аумағына кіргеннен кейін 20 минуттан соң жоғалып кетті. Ақпарат құралдарының мәліметінше, ұшақ Жерорта теңізіне құлған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай