+7 (777) 001 44 99
ПОДЕЛИТЬСЯ
АҚШ-та бір ер адам Қазақстан азаматшасын өлтіргені үшін 42 жылға сотталды, - деп хабарлайды Portland Press Herald. Қазақстан азаматшасы Маргарита Фисенко өз автокөлігінің салонынан өлі күйінде табылған.
АҚШ-та бір ер адам Қазақстан азаматшасын өлтіргені үшін 42 жылға сотталды, - деп хабарлайды Portland Press Herald. Қазақстан азаматшасы Маргарита Фисенко өз автокөлігінің салонынан өлі күйінде табылған.
Алқабилер соты 21 жастағы Энтони Пратты өзінің ашынасы - 29 жастағы Фисенконың өліміне айыпты деп таныды. Жігітке 42 жылға бас бостандығынан айыруға үкім шығарылды. Іс материалдарына қарағанда, 2012 жылдың қараша айында Пратт Фисенконы өз достарының Портлендтегі пәтерінде тапаншамен атып өлтірген. Мәйітті қыздың автотұрақта тұрған жол талғамайтын көлігіне жасырған. Маргаританың денесін бірнеше айдан соң - 2013 жылдың қаңтарында оның күйеуі Кэри Скотт тауып алады.
Іс бойынша сотталушының достары - Кристофер Дженнингс пен оның әйелі де сотта жауап берді. Қазақстан азаматшасын оққа ұшырған тапаншадан олардың ДНК-сы анықталды. Бұған қоса, сараптама "марқұммен жыныстық қатынаста болған соңғы адам Кристофер екенін" көрсетті. Тергеушілердің мәліметінше, Пратт пен оның достары есірткі саудасымен айналысқан, Фисенко олардың клиенті болған. Сотта марқұмның әкесі Энтони Пратт үшін өмір бойғы жаза беруді сұрады. Фисенконың туыстары қыздың АҚШ-қа Қазақстаннан 1997 жылы көшіп барғанын айтты. Сотталушының адвокаты апелляцияға шағым түсіргелі отыр.
