1. Басты
  2. Біл
  3. Жаңалықтар
  4. Жаһан

Қырғызстанда қашқын экстремистер жаралаған төртінші адам көз жұмды

© Тengrinews.kz © Тengrinews.kz

Қырғызстанда қашқын экстремистер жаралаған төртінші адам көз жұмды, - деп хабарлайды Tengrinews.kz тілшісі.

16 қазанға қараған түні Қырғызстан ЖӨМҚ қызметкері, ішкі қызмет подполковнигі Тілек Әбілғазиев қайтыс болды, ол қашқын экстремистерден ауыр жарақат алған. Мамандардың айтуынша, оның денесі Қырғызстандағы туған жері Нарын облысына жіберіледі.

Қаза болған Әбілғазиев органда 1998 жылдың мамырынан бастап қызмет еткен. Үйленген, артында үш баласы қалды. Ол 43 жасында көз жұмды.

Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Іздеудегілер экстремизм мен терроризм үшін қылмыстық жауапкершілікке тартылғандар. Төменгі Нооруз ауылындағы №50 түзету мекемесінен қашқандар заңсыз деп танылған "Жайшул-Махди" партиясының өкілдері болған.