Қытайда супертайфунның күтілуінен 800 мың адам эвакуацияланды

11 Шілде 2015, 09:45
0
Қытайда супертайфунның күтілуінен 800 мың адам эвакуацияланды - "Чан-Хом" тайфунының суреті
"Чан-Хом" тайфунының суреті

Қытайдың шығысындағы Чжэцзян провинциясында супертайфун болуы мүмкін деген қауіппен 800 мың адам эвакуацияланды, - деп хабарлайды BBC News. Метеорологтардың айтуынша, 11 шілдеде аймақта соңғы 70 жылда болмаған өте ірі тайфун болады.

Жаппай эвакуациялау жалғасып жатыр. Барлық теңіз порттары мен провинция әуежайлары жабылды. Пойыздардың қозғалысы тоқтатылды. Метеорологтар "Чан-Хом" тайфуны Ресейдің Қиыр Шығысында да болуы мүмкін екенін айтты. Осыған орай теңіз жағалауында 12 сағаттың ішінде қарқындылығы 60 миллиметр болатын жаңбыр жауады.

"Боранның тағы қай жерде болатыны әзірше белгісіз. Сондықтан да басқа шешімдер қабылдай алмай отырмыз", - деді метеорологтар. Алдын ала болжам бойынша, тайфун солтүстік-солтүстік-шығысқа солтүстік ендік бойынша 30 градусқа бұрылып, Корея түбегіне бағыт алуы мүмкін. Қазір дауыл Шанхайға жақындап келеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай