+7 (777) 001 44 99
ПОДЕЛИТЬСЯ
Тайланд тумасы, сұлулық байқауының жеңімпазы Нусара Сукнамай "Лестер" ФК президентімен бірге өткен сенбіде стадион маңынан ұшып шыққан тікұшақ апатынан қаза тапты, - деп хабарлайды Tengrinews.kz.
Тайланд тумасы, сұлулық байқауының жеңімпазы Нусара Сукнамай "Лестер" ФК президентімен бірге өткен сенбіде стадион маңынан ұшып шыққан тікұшақ апатынан қаза тапты, - деп хабарлайды Tengrinews.kz.
Лестершир графтығының мәліметінше, тікұшақ бортында Вишай Шривадданапрабхамен бірге тағы төрт адам болған. Миллиардердің екі қызметкері - Нурсара Сукнамай мен Кавепорн Пунпарэ, ұшқыш Эрик Сваффер мен жолаушы Изабела Роза Лечович.
"Оқиға болған уақытта тікұшақ бортында бес адам болған. "Лестер" футбол клубының төрағасы Вишай Шривадданапрабха мен оның екі қызметкері - Нурсара Сукнамай және Кавепорн Пунпарэ, ұшқыш Эрик Сваффер мен жолаушы Изабела Роза Лечович", - делінген полицияның сайтында.
Сукнамайдың Instagram желісіндегі парақшасында жарияланған соңғы суретке қолданушылар көңіл білдіру хаттарын жазып жатыр.
Посмотреть эту публикацию в Instagram
Нусара Сукнамай 1985 жылы 6 мамырда Бангокта дүниеге келген. 33 жастағы модель миллиардермен бірге жұмыс істеген және әуе апаты кезінде бірге болған.
Посмотреть эту публикацию в Instagram
Нусара Сукнамай - "Miss Thailand Universe 2005" және "Miss Photogenic of MTU 2005" сұлулық байқауы жеңімпаздарының бірі.
Посмотреть эту публикацию в Instagram
Instagram желісіндегі парақшасынан қыз баланың спортпен белсенді түрде айналысқанын байқауға болады.
Посмотреть эту публикацию в Instagram
"Лестер" ФК өкілдері клуб иесі тікұшақ апатынан қайтыс болғаны туралы мәліметті растады.
Әуе апаты Ағылшын премьер-лигасының "Лестер" - "Вест Хэм" ойынынан кейін болды. Куәгерлердің айтуынша, дәстүрлі түрде өз алаңындағы ойыннан кейін тікұшақ футбол алаңынан әуеге көтерілген. Бірнеше секундтан соң ұшқыш тізгінге ие бола алмай, ұшатын аппарат King Power стадионынан бір шақырымға жетпейтін қашықтықта автокөлік тұрағына құлаған.
