Ресейлік әйел сүйіктісін өлтіріп, оның атынан анасына 20 жыл бойы хат жазып келген

09 Наурыз 2017, 09:43
0
Ресейлік әйел сүйіктісін өлтіріп, оның атынан анасына 20 жыл бойы хат жазып келген - Ашық дереккөздерден алынған сурет
Ашық дереккөздерден алынған сурет

Ресейлік әйел танысының өлімін 20 жыл бойы жасырып келген. Ол осы уақыт бойы қаза тапқан ер адамның атынан оның анасына хат жазып жүрген, - деп хабарлайды ТАЙГА.info.

1996 жылдың қазан айында Забайкальск өлкесінің тұрғыны көршісімен жанжалдасып, оны басынан балғамен бірнеше рет ұрған. Салдарынан көршісі алған жарақаттарынан көз жұмған. Содан әйел оның денесін үйдің маңына көміп тастап, ешқандай күдік келтірмеу үшін қаза тапқан ер адамның атынан анасына хат жаза бастаған. Ол өз атынан ер адамның жағдайының жақсы екенін жазып отырған.

Осылайша қылмыскер тек 2016 жылы әшкереленген. Ол қасақана кісі өлтіргені үшін айыпты деп танылды. Сондай-ақ, басылымның мәліметінше, қылмыстың жасалғанына 15 жыл өткендіктен іс осымен жабылған.

Соттың қорытындысы бойынша, қылмыскер қаза тапқан жігіттің анасына хат жібере отырып, оған болашақта ұлын күтуге негізсіз үміт берген. Сондықтан сот марқұмның анасының азаматтық талабын қанағаттандыру туралы шешім қабылдады. Сот хат жазып келген қыздан моральдық шығын ретінде 1 миллион рубль өндіріп алды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай