Тәжікстанда Назарзода басқаратын ұйымды жою кезінде 25 адам өлтірілді

17 Қыркүйек 2015, 17:31
0
Тәжікстанда  Назарзода басқаратын ұйымды жою кезінде 25 адам өлтірілді - © REUTERS
© REUTERS

Тәжікстанда генерал Абдухалим Назарзода басқаратын ұйымды жою опреациясы кезінде 25 адам қаза тауып, 28 адам ұсталды, - деп хабарлайды РИА Новости республиканың Бас прокуратурасына сілтеме жасап.

Тәжікстанның ішкі істер министрі бұған дейін Назарзоданы өлтіру туралы бұйрықты ресми түрде растаған болатын. "2015 жылдың 16 қыркүйегінде, сағат 14.00-де Назарзода басқаратын Ходжи Халима тобын жою операциясы толығымен аяқталды. Терроризмге қарсы жұмыс бір жарым күнге созылды. Өз еркімен берілуге көндіру нәтиже бермеді. Лаңкестер ашық қарсылық көрсетті. Қарсы оқ ату кезінде Ходжи Халима ұйымының басшысы Назарзода, Эшони Джунайдулло Умаров және тағы 10 сыбайласы өлтірілді", - деп жазылған Тәжікстанның ІІМ баспасөз хабарламасында.

Еске сала кетейік, 4 қыркүйекте Душанбе мен Вахдатта милиция қызметкерлеріне шабуыл жасалды, салдарынан тоғыз адам қаза тапты. Билік бұл шабуылды Тәжікстанның қорғаныс министрінің бұрынғы орынбасары Абдухалим Назарзода басқаратын ұйым жасады деп күдіктенді..

Дәл осы күні Тәжікстанның әскерилері Назарзода басқаратын ұйымға қарсы арнайы операцияны бастады. Тәжікстан ІІМ мәліметінше, ұйымға елдің бұрынғы әскерилерінен 135 адам мүше болған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай