+7 (777) 001 44 99
ПОДЕЛИТЬСЯ
Таиландта миллионға жуық адам су тасқынынан үйлерін тастапы шығуға мәжбүр болды, - деп хабарлайды "Вести.Ru".
Таиландта миллионға жуық адам су тасқынынан үйлерін тастапы шығуға мәжбүр болды, - деп хабарлайды "Вести.Ru".
Табиғат апатынан 19 адам көз жұмған. Муссон жаңбырларынан Таиландта 10 провинция апат аймағына айналды. Бірқатар қалаларда байланыстың барлығы жойылған. Көшелермен жүрудің жалғыз амалы қайықтар мен қолдан жасалған салдар ғана болып отыр. Зардап шеккендерге көмектесуге аттандырылған әскер мен апат-құтқару қызметкерлері адамдарды қауіпсіз жерге шығарып, ал шыға алмағандарға тікұшақпен су және азық-түлік жеткізіп жатыр.
"Бұрынғы үкіметтің жобалары дұрыс жоспарланбағандықтан, су тасқынынан қорғану қиын, суды теңізге бұрып жіберетін арналар, су сорғыштар мен бақылау мұнаралары жетіспейді", - дейді Таиланд премьер-министрі Прают Чан-Оча.
Мұның алдында Самуи аралында жүрген қазақстандық туристерге сабыр сақтап, қауіпсіздік шараларын ұстану керектігі айтылған: тұрып жатқан орынды қажеттіліксіз тастап шықпау, жергілікті биліктің нұсқауын орындау. Бұл жайында Facebook арқылы ҚР Инвестициялар және даму министрлігінің Туризм индустриясы департаментінің директоры Марат Иғали мәлімдеген болатын.
Департамент өкілінің хабарлауынша, Самуи - Пхукеттен кейінгі Тайландтағы екінші демалыс аралы. Толассыз жауған жаңбырдың салдарынан аралда басты көшелерді су алып, жергілікті халықаралық әуежайда бірқатар рейстер кешікті.
