Трамп Путинге хат беріп жіберді

09 Тамыз, 09:09
0

Америкалық сенатор Рэнд Пол Владимир Путиннің әкімшілігіне АҚШ лидері Дональд Трамптың хатын жеткізді, - деп хабарлайды РИА Новости.

"Президент Трамптың хатын президент Владимир Путиннің әкімшілігіне жеткізу мен үшін мәртебе. Хатта түрлі саладағы алдағы қарым-қатынастың маңыздылығына мән берілген, оның ішінде терроризммен күрес, заң саласында диалогты кеңейту және мәдени айырбасты қалпына келтіру мәселелері бар", - деп жазды ол Twitter желісіндегі парақшасында.

Президенттің баспасөз хатшысы Дмитрий Песков Путинге хаттың "дипломатиялық жолдар" арқылы жеткізілгенін, бірақ Кремльдегілердің хатты әлі оқымағанын айтты.

Осы аптада Мәскеуге америкалық сенаторлар делагациясы келген, олардың қатарында Полмен қатар Техас штатының заңнама жиналысы сенаты мүшесі Дон Хаффайнс және Катона Институтының президенті Питер Геттлер бар. Дүйсенбі мен сейсенбіде олар ресейлік үкімет мүшелерімен кездескен.

Пол депутаттармен Сириядағы және Украинаның оңтүстік-шығысындағы жағдайды, сондай-ақ Америка Құрама Штаттарында ұсталған ресейлік Мария Бутинаны талқылаған. Пол Ресейге жасаған сапарына көңілі толатынын мәлімдеді. 

Владимир Путин мен Дональд Трамптың алғашқы толықформатты кездесуі 16 шілдеде Хельсинкидегі президент сарайында өткен. Лидерлер барлығы 4 сағаттай сөйлескен, әңгіменің көп бөлігі жабық тәртіпте өтті. Тараптар кездесуге жағқсы баға беріп, келешектегі байланыстың жақсара түсетінін жоққа шығармады.

Получить короткую ссылку


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай