Ватиканның қарсылығынан "Eurovision" музыкалық конкурсы Киевте өтпеуі мүмкін

18 Қазан 2016, 21:10
0
Ватиканның қарсылығынан "Eurovision" музыкалық конкурсы Киевте өтпеуі мүмкін - © Styler
© Styler

Ватиканның араласуымен "Eurovision" музыкалық конкурсы Киевте өтпеуі мүмкін. Бұл туралы украиналық "Вести" басылымы хабарлап отыр.

Киев басшылығы конкурсты Украинаның грекокатоликалық шіркеуінің Патриарший Соборынан бірнеше қадам жерде өткізуді жоспарлап отыр. Собор маңындағы Халықаралық көрме орталығында құрылыс жұмыстары басталып та кетті. Дегенмен, шіркеу өкілдеріне құрылыстың жақындығы мен биіктігі ұнамай отыр. Ватиканға құрылыс жайы шіркеу басшысы Святослав Шевчук сөзінен белгілі болған. Жергілікті белсенділер құрылысқа қарсы қол жинап, Киев басшылығынан заңды сақтауды талап етіп отыр.

Қала әкімінің орынбасары Дмитрий Белоцерковецтің сөзінше, егер дау екі жақты келісіммен шешілмесе, "Eurovision" конкурсы Киевте өтпеуі мүмкін. "Құрылыс заңдылығы бойынша сот істері бірнеше жылға созылып кетуі мүмкін. Осы уақыт бойына үйлерді пайдалануға беруге де, оларды бұзуға да болмайды. Екі жаққа ортақ шешім табуға желтоқсанға дейін ғана уақыт бар. Бұның мүмкіндігі әлі белгісіз", - дейді Белоцерковец.

Еске салайық, Украина "Eurovision-2017" конкурсын өткізу құқын Жамала атты әншісінің осы сайыста жеңіуне байланысты алған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай