+7 (777) 001 44 99
ПОДЕЛИТЬСЯ
10 қазанда жұмысқа кетіп, жоғалып кеткен Теміртау қаласының 20 жастағы тұрғыны Ерхан Тәжібаев табылды. Бұл туралы Қарағанды облысының Полиция департаменті өкілдері айтты, - деп хабарлайды Tengrinews.kz тілшісі.
10 қазанда жұмысқа кетіп, жоғалып кеткен Теміртау қаласының 20 жастағы тұрғыны Ерхан Тәжібаев табылды. Бұл туралы Қарағанды облысының Полиция департаменті өкілдері айтты, - деп хабарлайды Tengrinews.kz тілшісі.
Бүгінде Ерхан Тәжібаев жақындарының қасында. Бұған дейін қайда болғаны әзірге белгісіз.
"Іздестіру жұмыстарымен Полиция департаментінің барлық жеке құрамы айналысты. Жүргізілген жедел-іздестіру шараларының нәтижесінде жігіт табылды. Ол аман-есен. Істің мән-жайы анықталып жатыр", - деді Қарағанды облысы ПД баспасөз қызметінің өкілдері.
Жоғалған жігіттің туыстары Ерханның жағдайы жақсы екенін растады.
"Ерханның мұндай әрекетке баруының бір себебі бар шығар. Қаласа өзі айтады. Біз үшін бастысы - оның дін аман болуы. Іздестіру жұмыстарына атсалысқан барлық адамға рақмет", - деді Ерханның туыстары.
Еске салайық, кеше, 13 қазанда 20 жастағы теміртаулықты туыстары бірнеше күннен бері іздеп жатқаны хабарланған болатын. Ерхан Тәжібаев Қарағандыда сауда орталығында сатушы-кеңесші болып жұмыс істейтін. Спорттық киімдер сатады.
"Ұлымды есікке дейін шығарып салдым. Ол үйден сағат 10.00-де шығып кетті, анасына жұмысқа барғанын айтып, қоңырау шалу керек еді. Бірақ хабарласпады. Біз алаңдай бастадық. Сағат 11.00-де телефоны өшті, біз телефонының қуаты таусылған шығар деп ойладық. 12.00-де, 13.00-де қоңырау шалдық. Телефоны өшіп тұрды. 15.00-де әйелім оның жұмысына барды, ол жерде болмаған", - деген еді әкесі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
