25 желтоқсан 2015 11:07

Интим қызметін SMS және әлеуметтік желілер арқылы ұсыну қазақстандықтардың жағасын ұстатты

ПОДЕЛИТЬСЯ

Қазақстандықтар интим қызметін SMS және әлеуметтік желілер арқылы ұсынатындардың үстінен шағым түсіріп жатыр, - деп хабарлайды Tengrinews.kz тілшісі. Ақпарат порталының оқырмандарының бірі осы мәселе бойынша шара қолдануды және жағдайды реттеуді сұрап Бас прокуратура мен ҚР Инвестиция және даму министрлігінің Байланыс, ақпарат және ақпараттандыру комитетіне арыз түсірген. 


Қазақстандықтар интим қызметін SMS және әлеуметтік желілер арқылы ұсынатындардың үстінен шағым түсіріп жатыр, - деп хабарлайды Tengrinews.kz тілшісі. Ақпарат порталының оқырмандарының бірі осы мәселе бойынша шара қолдануды және жағдайды реттеуді сұрап Бас прокуратура мен ҚР Инвестиция және даму министрлігінің Байланыс, ақпарат және ақпараттандыру комитетіне арыз түсірген. 

Оның айтуынша, 2015 жылдың 30 қарашасында оған интим мәніндегі қызмет ұсынатын сайттың сілтемесімен SMS-хабарлама келген. "Бұл хабарлама шектен шықты. Меніңше, осындай мәндегі жарнамалар құқық жөнінде де, әдеп тұрғысында да орынсыз. Мәжбүрлейтін жарнама мәселесі жүйелі мәнге ие әрі оны ешкім шешіп жатқан жоқ. Сұрыптау сияқты бір жүйе қажет немесе қолданушылардан жарнамаға рұқсат сұралуы тиіс, тіпті болмаса мұндай жарнама маманданған болуы керек", - дейді сайтымыздың оқырманы. Сонымен қатар, ол жарнаманы алып тұруға қарсы еместігін, бірақ оның таргеттелген болуы керектігін айтты. "Мәселен, мен әйелдердің іш киімі жайлы жарнаманы қажет етпеймін, бірақ сондай жарнамалар келіп тұрады", - дейді ол. Шағым түсірген азаматтың айтуынша, осындай спамдар SMS-пен ғана емес, сонымен бірге WhatsApp және Viber әлеуметтік желілерінен де келеді екен.

Мұнымен қатар, әлеуметтік желі қолданушылары Instagram арқылы келіп түсетін жарнамаға шағымданды. Осындай жарнама жасайтын адамдардың аккаунты оларға жазылады екен де, кейін "массаж алуға" ұсыныс келеді. Tengrinews.kz тілшісі Байланыс, ақпарат және ақпараттандыру комитетінен және ұялы байланыс операторынан пікір сұрады. 

Айта кетейік, ресми ведомство өкілдері осыған дейін WhatsApp немесе Telegram арқылы таралатын спамдардың мәселесіне пікір білдіре отырып, бұл мессенджерлердің ұялы байланыс қызметіне жатпайтынын түсіндірген еді. Ал WhatsApp, Telegram мессенджерлері шетел қосымшалары болғандықтан мұнждай хабарламаларды кімнің жіберетінін анықтау қиынға соғады. Органдар осындай мәселер жөнінде сервис әкімшілігіне хабарласуды ұсынып отыр. Ал өз кезегінде адвокат Ерлан Кемешев қазақстандықтардың спам мәселесінде қорғансыз екенін айтқан еді. Оның айтуынша, заңнамада спам жолдайтындарды жауапқа тартуға мүмкіндік беретін қандай да бір механизмдер жоқ. Айта кетейік, қазақстандықтар бүгінде күн сайын қаламаған ақпарат алуға мәжбүр.

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети