Астанада Қайрат Жамалиевтің Lamborghini автомобилі саудаға шығарылды, - деп хабарлайды Tengrinews.kz тілшісі. Автомобильдің бастапқы құны - 47 581 000 теңге.
Айта кетейік, бұл автомобиль соттың шешімімен елордалық кәсіпкер Қайрат Жамалиевтен тәркіленген болатын.
Қымбат көлік gosreestr.kz сайтында сатылымға шығарылды. Lamborghini Gallard автомобилін сатушы ҚР Қаржы министрлігі Мемлекеттік мүлік және жекешелендіру комитеті Астана қалалық Мемлекеттік мүлік және жекешелендіру департаменті деп көрсетілген. Саудаға қатысушылар үшін кепілақы - 7 137 150 теңге. Сауда 2016 жылдың 5 ақпанына бекітілді.
