+7 (777) 001 44 99
ПОДЕЛИТЬСЯ
Мемлекет басшысы Қасым-Жомарт Тоқаев ауыл әкімдері лауазымына орта арнаулы білімі бар қазақстандықтарды ұсыну туралы ұсынысты қарауды тапсырды, - деп хабарлайды Tengrinews.kz тілшісі.
Мемлекет басшысы Қасым-Жомарт Тоқаев ауыл әкімдері лауазымына орта арнаулы білімі бар қазақстандықтарды ұсыну туралы ұсынысты қарауды тапсырды, - деп хабарлайды Tengrinews.kz тілшісі.
Мемлекет басшысы Ұлттық қоғамдық сенім кеңесінің (ҰҚК) отырысында қала, аудандық маңызы бар, ауыл, кент, ауылдық округ әкімдерін тікелей сайлауды енгізуді "қоғамды демократияландыру жолындағы үлкен қадам" деп атады. Елімізде 800-ден астам ауыл әкімі сайланды, құрам екі есеге жаңарды.
"Кеңес мүшелері Александр Данилов, Гүлмира Елеуова, Марат Шибұтов ауыл әкімдері лауазымына орта арнаулы білімі бар азаматтарды ұсынуға рұқсат беретін норманы біріктіруді ұсынды. Мұндай жаңашылдық жергілікті деңгейдегі сайлаудың ерекшелігін күшейтеді деп ойлаймын. Әсіресе, халықтың сеніміне ие болған, бірақ білім беру біліктілігінен өтпеген білікті және тәжірибелі адамдар үшін таптырмас мүмкіндік болар еді", - деді Тоқаев.
Сондай-ақ Президент ауыл әкімдерінің үгіт-насихат кезеңінің мерзімін түзету мүмкіндігін қарастыруды мақсатқа сай деп санайды.
"Сонымен қатар, сайлау науқанын қаржыландыруда сараланған тәсілді қолдану ұсынылып отыр. Егер солтүстік облыстардағы халқы аз ауылдарда біздің қазіргі қаражатымыз үгіт-насихат жұмыстарына кеткен шығындарды өтеуге жететін болса, оңтүстікте халық тығыздығы жоғары болғандықтан, бұл жеткіліксіз екені анық. Сондықтан оларды жан-жақты зерделеу қажет. Президент Әкімшілігіне нақты ұсыныстар дайындап, маған ұсынуды тапсырамын", - деді Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
