Еуропада ИМ ұйымына қатысы барлардың әлеуметтік желідегі аккаунттары жабылады, - деп хабарлайды BBC Russian. Бұл жұмыспен арнайы құрылған полицейлер командасы айналысады.
Басылымның хабарлауынша, Еуропол әлеуметтік желілермен келісімшарт жасасып, осы арқылы жиһадшылардың ашқан жаңа аккаунттарын жойып отырады. Олар бұл қызметке 1 шілдеден бастап кіріседі.
Вашингтондағы Бруклин институтының мәліметінше, "Ислам мемлекеті" ұйымына қатысты шамамен 90 мың адам Twitter әлеуметтік желісінде тіркелген. Осы аккаунттар арқылы олар топтарын ұлғайтып отырады. Еуропол соңғы уақытта 5 мың еуропалықтың ИМ ұйымына қосылып кеткенін мәлімдеді.
