+7 (777) 001 44 99
Қазақша
Русский
English
05 қараша 2020 | 09:34
"2 апта ауруханаға қабылдамаған". СҚО-да коронавирус жұқтырған зейнеткер қайтыс болды
Петропавлда коронавирус жұқтырған зейнеткер қайтыс болды, - деп хабарлайды Tengrinews.kz тілшісі "Астана" телеарнасына сілтеме жасап.
ПОДЕЛИТЬСЯ
Петропавлда коронавирус жұқтырған зейнеткер қайтыс болды, - деп хабарлайды Tengrinews.kz тілшісі "Астана" телеарнасына сілтеме жасап.
Зейнеткерді 2 апта бойы аурхана қабылдамаған. Ал оның өкпесінің 60 пайызы зақымданғаны анықталғанда барлығы кеш болған.
75 жастағы Нина Савчук бірнеше күн бұрын қайтыс болған. Туыстары оның өмірі үшін шамалары келгенше күрескенін айтады. Алайда дәрігерлер зейнеткерді тым кеш емдеуге кіріскен.
"Егер уақытында көмек көрсетілсе, ауру асқынбас еді. №3 қалалық ауруханада науқасқа дәрі-дәрмектің, оттегінің көп мөлшерін берудің қажеті тумас еді. Қағазда оның жансақтау бөліміне жіберілгені жазылған. Алайда бас дәрігер оның жансақтау бөлімінде болмағанын айтып отыр. Демек, науқасқа дұрыс қарамаған ғой. Оның аман қалуға мүмкіндігі бар еді", - дейді зейнеткердің жиені Анна Карпицкая.
Телеарнаның мәліметінше, науқас коронавирустың бар-жоғына тест тапсырған. Ол оң нәтиже көрсеткен. Алайда науқастың туыстары дәрігерлер өлімнің коронавирусқа байланысты болмағанын айтып отырғанын жеткізді. Зерттеу қорытындысында: "пневмония, қоздырғышы белгісіз" деп жазылыпты.
Сонымен қатар, медицина қызметкерлері әйелді коронавирус жұқтырған науқас ретінде жерлеуді талап етіп отыр. Туыстары мұның артық шығын екенін, тек қорғаныс киімдері мен дезинфекцияға 100 мың теңге жұмсалатынын айтады.
Денсаулық сақтау басқармасы бұл оқиғаға қатысты пікір білдіруден бас тартты.
"Менің дербес деректерді жария етуге құқығым жоқ. Бұл - дәрігердің құпиясын жария ету. Науқастың өліміне әсер еткен ауру негізгі диагноз болып саналады. Созылмалы аурулар болған кезде коронавирус жағдайды одан әрі ауырлатады. Савчукке қатысты ақпаратты жариялауға құқығым жоқ", - дейді СҚО Денсаулық сақтау басқармасы басшысының орынбасары Құмат Кусемимов.
Облыстық денсаулық сақтау басқармасының басшылары дәрігерлердің заңбұзушылыққа бармағанын айтады. Ал Нина Савчуктің туыстары медицина қызметкерлерінің әрекетіне наразы болса да, олармен соттасқысы келмейтінін жеткізді.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
