Астанада эвакуатор аялдамаға соғылды

Астанадағы Айтматов көшесінде эвакуатор аялдамаға соғылды. Апат орнынан түсірілген кадрлар желіде жарияланды, деп хабарлайды Tengrinews.kz тілшісі.

Не болды?

Әлеуметтік желілерде оқиға орнынан түсірілген видео пайда болды. Кадрлардан жол-көлік оқиғасының салдары көрінеді: тротуарға шашылған әйнек, зақымдалған аялдама павильоны.

Астана полиция департаменті апаттың 4 мамырда болғанын хабарлады.

"Айтматов көшесімен келе жатқан эвакуатор жүргізушісі рульге ие бола алмай, аялдама павильоны мен басқа да инфрақұрылым нысандарын соқты. Жол-көлік оқиғасы салдарынан зардап шеккендер жоқ. Жүргізуші әкімшілік жауапкершілікке тартылды, ол келтірілген шығынды өтейді", - деп хабарлады Астана ПД.

Сонымен қатар полиция жүргізушілерді жол қозғалысы ережелерін қатаң сақтап, жолдарда барынша мұқият болуға шақырды.

Тағы оқыңыз: Астанада автобус аялдамаға соғылды: видео