20 жастағы қазақстандық ауыр атлет Илья Ильиннің рекордын жаңартты

Қарағанды облысының тумасы, ауыр атлет Артем Антропов жұлқа көтеру бойынша Қазақстанда жаңа рекорд орнатты, - деп хабарлайды Tengrinews.kz тілшісі ҚР Ауыр атлетика федерациясының баспасөз қызметіне сілтеме жасап. 

Қазақстан чемпионатында 102 келіге дейінгі салмақ дәрежесінде өнер көрсететін Антропов 216 келіні көтерді. Нәтижесінде ол 373 (157+216) келі жинап, алтын алды.

Жұлқа көтеру бойынша бұрынғы рекорд Илья Ильинге тиесілі болған.

Бұл салмақта 305 (135+170) келі нәтижесімен Рахат Бекболат (Қызылорда облысы) екінші орын алды. Ал үшінші 257 (115+142) келімен Алексей Литвченко (Қарағанды облысы) болды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!