1. Басты
  2. Біл
  3. Спорт

Александр Емельяненкоға айып тағылды

Александр Емельяненко. Сурет Tengrinews.kz мұрағатынан алынды Александр Емельяненко. Сурет Tengrinews.kz мұрағатынан алынды

Атақты ресейлік спортшы Александр Емельяненкоға зорлық-зомбылық көрсетті және төлқұжатты ұрлады деген айып тағылып отыр деп хабарлайды Ресей Федерациясы Тергеу комитетінің ресми сайтына сілтеме жасаған Tengrinews.kz .

"Қазір одан сұрақ-жауаптар алынып, айып тағылды. Сондай-ақ тергеу қызметі сотқа қамауға алу арқылы Емельяненкоға қатысты жүріс-тұрысын шектеу шараларын тағайындау туралы өтініш жолдады. Қылмыстық іс бойынша тексеру әлі де жалғасуда" делінеді алдын ала таратылған хабарламада.

Сондай-ақ Ресейдің Тергеу комитеті 2014 жылдың 9 мамырында Тамбов қаласында Александр Емельяненко жол-көлік апатының себепкері болғанын атап өтеді. Осы арадан құқық қорғау органы қызметкерлері оны Мәскеуге жеткізіп, Ресейдің тергеу комитетіне әкеліп өткізген.

Ресейдің тергеу комитетіндегілердің айтуынша, 2014 жылдың 3 наурызында Мәскеу қаласының Пересветов даңғылының бір үйінде Емельяненко пәтерін жиыстыруға келген келіншекті зорлап, сексуальдық қатынасқа мәжбүрлеген, одан кейін ол жәбірленушінің сөмкесіндегі төлқұжатты жымқырып қалған.