Алексей Луценко ел спартакиадасында жеңіске жетті

Ақмола облысында велоспорттан Қазақстан Спартакиадасы өз мәресіне жетті. Соңғы жарыс күнінде ерлер арасындағы топтық бәсеке аяқталып, Алексей Луценко жеңіске жетті, - деп хабарлайды Тengrinews.kz тілшісі ҰОК баспасөз қызметіне сілтеме жасап. 

Жарысқа қатысушылар 162 шақырымды жүріп өтті. Топтан қара үзіп кеткен Луценко мәре сызығын бірінші болып кесті. Күміс жүлдені Дмитрий Груздев еншілесе, қоланы Антон Кузьмин жеңіп алды

Еске салайық, Луценко жекелей сында да Спартакиада жеңімпазы атанған болатын. Осылайша, оның еншісінде екі алтын медаль бар.