Алексей Луценко Токио Олимпиадасында жүлде ала алмады

Қазақстандық велошабандоз Алексей Луценко Олимпиада ойындарында жүлде ала алмады, - деп хабарлайды Tengrinews.kz тілшісі.

Бүгін велоспорттан жекелей сындағы жарыс өтіп жатыр. Луценко жарыс жолын 1:02:21.67 уақытта өтіп шықты. Бұл көрсеткішпен ол үздіктер қатарына ене алмады. 

Еске салайық, топтық жарыста Луценко мәреге 21-інші болып жеткен еді. 

Айта кетейік, қазір Қазақстан қоржынында үш медаль бар. Дзюдошы Елдос Сметов, ауыратлеттер Игорь Сон мен Зүлфия Чиншанло қола медаль иеленген болатын.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!