Әлішер Ерғали Токио Олимпиадасының ширек финалында жеңілді

Қазақстандық балуан Әлішер Ерғали Токио Олимпиадасының ширек финалында жеңіліп қалды, - деп хабарлайды Tengrinews.kz тілшісі.

Еркін күрестен 97 келіге дейінгі салмақта Ерғали түркиялық Сүлейман Караденизбен белдескен. Қазақстандық балуан қарсыласына 7:8 есебімен жол берді. 

Бұған дейін 1/8 финалда Ерғалидің қарсыласы Мохаммед Фардж бозкілемге шықпай, қазақстандық балуан жекпе-жексіз жеңген болатын. 

Әлішер Ерғали Жамбыл облысында туған, 22 жаста. Азия чемпионатында екі мәрте қола медаль алған, ал биыл құрлықтық жарыста күміс жүлде еншілеген. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!